SALAHKAN PEMIMPIN ATAU CALEG “IMBAH PAMILU HANYAR CUNGUL, IMBAH DUDUK KADA TAHU-TAHU LAGI” TAPANGKUNG KITA JUA

WARTAIDAMAN.com

DPRD PROVINSI KALIMANTAN SELATAN

DAPIL 6 : TANAH BUMBU & KOTA BARU

NOMOR URUT 8

AHMAD RAMADHANI, S.AG

Pemilu pilpres dan pileg tinggal menghitung hari, akan dilaksanakan 14 Februari 2024.

Ada 5 kertas suara yang akan dipilih oleh masyarakat pemilih, 1. Presiden dan Wakil Presiden, 2. Anggota DPR
RI, 3. Anggota DPD, 4. Anggota DPRD provinsi, 5. Anggota DPRD Kota atau kabupaten.

Setiap pemilu, ada kalimat yang dikeluarkan oleh warga acil-acil, amang-amang, dengan nada kesal atau dongkol “pas pemilu cungul, imbah kada pemilu, apalagi imbah duduk, kada tahu-tahu, kada cungul lagi”, ya kalimat ini selalu hadir dimasa pemilu.
Keluhan warga masyarakat , acil-acil, amang-amang itu nadanya menyalahkan julak , paman pemimpin atau anggota dewan.

Disini ulun menulis kada membela siapa-siapa, membela buhan julak anggota dewan kada, kada jua menyalahkan acil dan amang warga masyarakat, tapi kita intropeksi aja, kita liati apa yang salah dan harus di betulkan ( perubahan ) , yah kaya AMIN aja “perubahan”.

Coba kita perhatikan, yang hakun (mau) memilih buhan yang pemimpin dan angota dewan itu siapa?, hakun aja dibari duit 200.000 atau 250.000 memilih pemimpin dan caleg sembarangan, NAH INI SALAH SIAPA ?,

Jadi bahasa ” Imbah pamilu hanyar cungul, imbah duduk kada tahu-tahu lagi” ini istilah orang banjar tapangkung kita jua.

Kita, pian sembarangan memilih, kada tahu asal usulnya, kada tahu orang mana, kada tahu sepak terjangnya , gawiannya apa, ada yg suka dugem, ada yang kada tahu-tahu lawan langgar dan lingkungan dipilih jua asal membari duit,

Acil-acil, amang-amang warga banyak yang kada mau memilih kalo kadada duit, “wani piro” jar buhan sidin, makin terkenal kalimat wani piro.

“Aku hakunai mamilih asal ada duinya jar, hadang dulu mehadang yang paling banyak membari jar”, tarima tarus, kada tahu duitnya haram, halal atawa subhat, jangan-jangan duitnya yang kita terima itu dari bausaha caleh yang haram, duitnya dari korupsi, KITA MAKANAKAN KE ANAK BINI, coba bayangkan pian, maka kita khususnya di Kalimantan Selatan ini jar Agamais, Muhibbin, taat agama.

Coba kita warga masyarakat ini, acil-acil, amang-amang memilih yang baik dan benar, teliti, jangan asi duitnya aja, cari yang kita kenal, cari yang badiam parak lawan kita, kalo kadada yang kenal jua, betakun lawan kekawanan lawan kaluarga, kita betakun-takun, kita cari tahu, si caleg yang mau kita pilih ini, gawiannya apa ?, usahanya apa?, taat agama kada?, katuju membantu langgar kada?, jangan sampai tapilih buhan ‘hantu’.

Amun kita sudah tahu caleg yang baik dan benar, mau memilih yang baik dan benar, walaupun kada DIBARI DUIT, lun yakin se yakin-yakinnya , insyallah bagus hasilnya, lingkungan kita bisa diperhatikan.

Amun parlu, imbah kita teliti kita hawasi caleg tadi, kita sarui ke lingkungan kita, kita takuni caleg tadi “bila kami warga memilih pian, dan pian terpilih apa rencana pian gasan kesehteraan lingkungan kami ?”, ulah perjanjian tertulis, diatas kertas, bematerai. (Kontrak politik).

Nah kita, acil-acil dan amang-amang kaena 14 Februari 2024 ini, kita presiden, caleg yang baik dan benar, jangan pilih sembarangan, gasan kita jua, JANGAN PILIH KARENA DUIT SEMATA.

“Bah sama samunyaan, caleg itu imbah duduk kada cungul, kada tahu-tahu lagi”, jar acil.

“Cil, amang, kada samunyaan cil ae, masih banyak yang bagus, tapi kada pian pilih yang bagus, pian pilih duit lalu tapilih yang bangkung”.

Lun ada cil ae, mang ae pengalaman, caleg yang peduli dengan Komplek kami, kaena mun ada waktu insyallah lun kisahkan lun tulis.

“Amun calegnya ini baik dan benar, meamalkan lawan agama, peduli langgar dan lingkungan, sidin membari jua duit, kayapa itu ?”, “kada masalah itu amun sidin baik dan benar, tasarah pian aja lagi, anggap aja sidin basadaqah”.

Nah cil, amang ingatilah kada jangan lagi garunum-garunum menyambati caleg “imbah pamilu hanyar cungul, sabalumnya kada tahu-tahu, apalagi imbah duduk, kadada cungul lagi”. Karena kada melulu salah buhan caleg, salah kita jua yang memilih.

Lun minta rela minta ridho manulis ini, mudahan kita kada salah pilih, mudahan Allah memudahkan kita memilih pemimpin yang baik dan benar, membantu agama, membantu lingkungan dan masyarakat, aamiin.

26 Jan 2024